четверг, 31 января 2008 г.

НЕГАТИВ – ВИСЛАВА ШИМБОРСКА

На небото темно
облаче уште потемно
со црна сончева обвивка.

На лево значи на десно
бела црешова гранка со црни цветови.

На твоето темно лице светли сенки
си седна на маса
и ги стави на неа помодрените раце.

Личиш на призрак
кој се обидува да ги повикува живите.

(Оти и јас сум една од нив
треба да му се појавам и затропам:
добра ноќ значи добар ден
збогум значи добредојде.
И да не се скржавам да му поставам прашања за ниеден одговор,
ако се однесуваат на животот,
значи бура пред затишје).


Препев од полски: Мимоза Кочова

Комментариев нет: